قصة عشق APK

قصة قصيرة بالدارجة المغربية للمتعة والعبرة من قلب الواقع و 90% حقيقية. شخصيات حقيقية .. وصف حقيقي لا زيادة ولا نقصان. سمعتها من زبونة
حكاتها ليا، فيها عبرة لكل بنت وبزااف اللي طاحو فنفس الموقف .
..ندم، خيانة، خوف، القتل الغيرعمد، الحب، الإنتقام.. كل هذا غنشوفوه فهاد القصة المشوقة و الممتعة

فشارع من شوارع سلا الشعبية وبحال كل نهار مع 12 .. كيكون الشارع عامر كل واحد اشنو كيتقدا باش يطيب كامليتو . وفحومة دايز منها شارع
كبير مشتتين عيالات كل وحدة شنو تبيع ... ها الربيع ها ها لخضرة منوعة ... ها لحمص ها النعناع ... وحتى من ولاد الحومة المعروقفين كل
واحد شنو كيدير .. ها اللي جالس كيببيع لكارو .. ها اللي حاط قدامو لحوت كيبيع ويشري . ها اللي متوضها صباط مع واحد اخر والناس مجمعة
كتفرج .. وها اللي ماعندو مايدرا واقف مشمش حاضي الرقيقة ولغليضة اللي دازت قدامو يصكانيها وماتفلت من لسانو حتى وحدة من بنات
لحومة . ايوا وكاين اللي غادي جاي يعرض بادرو ويسب ويبزق غير بوحدو خاصو معامن , هادي هي الحومة وناسها مولفين بيها . وقفو جوج
عيالات فسن التلاتينات قدام واحد كيبيع الحوت .. حوايجو مسخين وحالتو حالة وفمو فيه نص كارو شاعل وكيعبر الحوت بيديه ... يبيع ويضسر
على العيالات وكاين اللي يعطيها ميكة دالسردين فااابور . وجهو كحل بالشمس وسنانو مخززين بالشراب وريحت لحشيش مع ريحة
الحوت فيه كتقلب سلا جديدة وسلا لقديمة . هوا من النوع اللي كيشيب صغير .. شعرو نصو كحل ونصو ابيض وعينيه صغار مكيباتوش .. فيه
ضرابي فوجهو نتيجة المضاربات اللي دوز .. منو عدد وبحالو غير من الشوفة يعيف منو بنادم . هوا اللي ختار يكون هاكاك منتون ومجرتل .. حتى
واحد ماضربو على يدو وقال ليه تشرمل .
.
.
.
حمل التطبيق باش تكل القصة