Kinderrympies 2.0 APK

Die versameling gunsteling-kinderrympies met kleurvolle illustrasies is pret vir peuters en kleuters. Hierdie app is spesiaal ontwerp om jong kinders te stimuleer en te help ontwikkel.

Hompie Kedompie

Hompie Kedompie sit op die wal,
Hompie Kedompie het afgeval.
Die koning se soldate
probeer al wat hul kan,
maar Hompie Kedompie bly plat
soos 'n pan.


Skitter, skitter, kleine ster

Skitter, skitter, kleine ster,
wat is jy so hoog en ver?
Aan die lug se vêrste rand
soos 'n helder diamant.


Klein Sarie van As

Klein Sarie van As
sit en smul op die gras
aan heerlike pap met stroop.
Maar daar kom 'n spinnekop,
en Sarie spring vinnig op
en sê: “Dit is tyd dat ek loop!"


Karalie! Karool!

Karalie! Karool!
Die kat speel viool,
die koeitjie spring dwarsoor die maan,
die hondjie die lag
met al sy mag,
en die skottel en lepel dans saam.


Hierdie klein varkie

Hierdie klein varkie gaan na die mark.
Hierdie klein varkie bly tuis.
Hierdie een het heerlik gesmul.
Hierdie een is vreeslik gekul.
En hierdie klein varkie huil:
whie-whie-whie!
al die pad na sy huis.


Klein Kosie Kramer

Klein Kosie Kramer
smul in sy kamer
aan 'n heerlike vrugtepastei.
Hy druk toe sy duim in
en kry daar 'n pruim in
en sê: "Dis te heerlik vir my."


Die muis en die klok

Rakketak, takkerak, tok,
die muis hardloop op teen die klok.
Die klok slaan kabam!
Die muis skrik hom lam.
Rakketak, takkerak, tok.


Marie, Marie, Jannewarie

Marie, Marie, Jannewarie,
wat groei daar in jou tuin?
Klokkies en slakkies en meisietjies fyn,
mooi madeliefies en sneeuwit jasmyn.

Baa, baa, swart skaap

Baa, baa, swart skaap,
het jy baie wol?
Ja, baas, ja, baas,
drie sakke vol:

Een vir Jan Salie
en een vir sy ma,
en een vir die baba
wat van koue kla.


Slaap kleine babatjie, bo in die boom

Slaap kleine babatjie, bo in die boom.
Slaap kleine babatjie sonder te droom.
As die wind waai, sal die babatjie swaai,
maar as die tak breek, lê hy onder die boom.




Eendjies, eendjies

Eendjies, eendjies staan in 'n ry
een twee drie vier
stap hul verby.

Lings regs, lings regs,
kyk hoe mak.
Reguit am toe
kwak, kwak, kwak.


Wielie Walie

Wielie, wielie, walie,
die aap sit op die balie.
Tjoef, tjaf daar val hy af.
Wielie, wielie, walie.


Kiepie Kiepie

Kiepie,Kiepie, kom tog gou
hier is lekker kos vir jou.
Maar dan moet jy vir my sê
waar jy tog jou eiers lê


Die apie

Daar's 'n apie op 'n stokkie
Voor my ma se agterdeur,
Daar's 'n gaatjie in sy broekie
En sy stertjie loer daardeur.


Oom Olifant

Oom Olifant
jou reuse dier,
die mense lag
vir hul plesier.
Want waar het jy
al ooit gehoor
van 'n stertjie van agter
en 'n stertjie van voor?



Slaap, Kindjie, slaap

Slaap, Kindjie, slaap,
daar buite loop 'n skaap,
'n skaap met spierwitte voetjies,
hy drink sy melk so soetjies.
Slap, Kindjie, slaap.


Handjies Klap

Handjies Klap,
koekies bak.
Bring die meel,
nie te veel.
Klits die eiers gou-gou.
Lekker eet ons netnou


Paddatjie, Paddatjie

Paddatjie, Paddatjie
wat maak jy daar?
Kwaak-kwaak-kwaak
kwaak-kwaak-kwaak
daar op 'n blaar.
Hier kom die eendjies
uit onder die brug.
Paddatjie skrik so
hy val op sy rug.


Babatrein

Tjoeke-tjoeke-paf,
Tjoeke-paf-paf-paf.
Kyk hoe ry ek op die babatrein.
Opdraand op,
afdraand af.
Tjoeke-tjoeke-paf,
op 'n stywe draf.

Wippie en Snippie

Wippie en Snippie loer uit by ‘n gaatjie.
Wip is ‘n muisie en Snip is sy maatjie.
“Wippie en Snippie, daar kom die groot kat!”
Woerts is die muisies weer terug in die gat.